Dezinfoburger: Kako od satire nastaju neistine

Veliki lanci brze hrane i njihovo poslovanje tema su polemika na internetu praktično otkad internet postoji. Polemike na teme koliko je ishrana u njima zdrava, kakvo meso se prodaje, ostaju aktuelne i danas, a u doba sve češćih dezinformacija i objave o velikim lancima brze hrane treba čitati podozrivo, iako je sigurno da hamburgeri ne …

748

Veliki lanci brze hrane i njihovo poslovanje tema su polemika na internetu praktično otkad internet postoji.

Polemike na teme koliko je ishrana u njima zdrava, kakvo meso se prodaje, ostaju aktuelne i danas, a u doba sve češćih dezinformacija i objave o velikim lancima brze hrane treba čitati podozrivo, iako je sigurno da hamburgeri ne doprinose poboljšanju i očuvanju zdravlja.

Na Fejsbuku se dijeli fotografija naslovnice na engleskom koja glasi:



Bombshell: Human Meat Found in McDonald’s Meat Factory!!!” iliti – BOMBA: Ljudsko meso pronađeno u Mekdonaldsovoj fabrici mesa.

Uz fotografiju koja se dijeli stoji i poruke – “kolone i kolone čekaju u McDonald’s”.

Pretragom se dolazi do 2014. godine kada je ova neistina prvi put našla svoj put do korisnika interneta, ali tada, u formi satire.

Naslovnica koja se dijeli na Fejsbuku je sa portala NyNettle kojeg su svjetski faktčekeri odavno označili kao izvor mnogih lažnih vijesti. Na primjer, ovaj portal objavio je vijest da je biznismen Džordž Soros uhapšen, što svakako nije bila istina,  na šta su ukazale naše kolege iz sarajevskog Raskrinkavanja, a ta objava se i dalje može naći na njihovom sajtu.

Ovog puta NYNettle za plasiranje nistine iskoristio je tekst iz 2014. godine, i to satirični tekst. U tekstu se navodi da su inspektori, nakon što je jedan od zaposlenih „u škoantnom priznanju otkrio“ da se za Mekdonaldsove proizvode koristi i ljudsko meso.

Originalni tekst na ovu temu objavio je 2014. godine satirični portal Huzlers. Tim člankom se, odmah po objavljivanju, bavio i jedan od najpoznatijih portala za provjeru činjenica, Snopes, i utvrdio da je u pitanju satira.

„Nažalost, više drugih sajtova je reprodukovalo članak bez objavljivanja izvora i ukazivanja da je on nastao kao satira“, piše Snopes.

I AP je, u avgustu, kada se ovaj članak takođe pojavio, analizirao objavu i utvrdio da je neistinita.

Dakle, u Mekdonaldsovim fabrikama nije pronađeno ljudsko meso, već dezinformatori zloupotrebljavaju tekst napisan još prije skoro sedam godina.

Ova objava dobila je ocjenu dezinformacija.

Ocjenu “Dezinformacija” dobija medijski izvještaj koji u sebi sadrži “miks” činjenica i netačnog ili poluistinitog sadržaja. U ovakvim slučajevima, mediji ne moraju nužno biti svjesni netačnih informacija koje su objavljene zajedno sa istinitim. Takođe, ovom ocjenom biće tretirani i izvještaji koji imaju lažne atribucije ili naslove koji ne oslikavaju tekst u smislu tačnosti informacija.

Viralne objave: Dezinformacija

Autor:

Darvin Murić

Objavljeno:

23/02/2021

Ocjena:

Dezinformacija