Mjesečni pregled

Mart u medijima

Mart u medijima
Tijana Velimirović
Autor
Tijana Velimirović
Objavljeno
07.04.2020

Mart u medijima

Mart mjesec je širom svijeta obilježilo izvještavanje o pandemiji COVID-19. Pojava koronavirusa pokrenula je i širenje tzv. infodemije, što je termin koji je skovala Svjetska zdravstvena organizacija da opiše širenje lažnih vijesti i dezinformacija o virusu.

Nailazili smo na pogrešne savjete medija koji ukoliko se poslušaju mogu da budu rizik za zdravlje. Poput onog da “od pričešća nema zaraze”. Osim pričešća, u medijima ste mogli pročitati i da zvuk crkvenih zvona ima blagotvorno dejstvo i da sprečava da se zarazite od koronavirusa. Zvuk crkvenih zvona i molitva nekome mogu pružiti nadu i podršku. Ali, nažalost, ne mogu i izliječiti virusne infekcije. Društvene mreže treba čitati opreznije i odgovornije nego tradicionalne medije. Na viberu smo imali viralnu poruku koja je obišla nebrojeno mnogo ljudi a u kojoj se tvrdi da su limun i soda bikarbona lijek kojim ćemo se odbraniti od koronavirusa.

Bijele laži su ipak laži - kao što je slučaj sa tvrdnjama koje ste čitali u velikom broju svjetskih i domaćih medijia da kanalima Venecije plivaju delfini. Iako lažna srećna vijest o delfinima u kanalu možda nije  tako problematična, relativno gledano, uvijek može biti štete u širenju lažne nade u vrijeme krize.

Svjetski mediji, dok zemlje broje zaražene koronavirusom, gotovo svakodnevno „pronalaze“ ljekove za tretman pacijenata. Među njima našli su se ljekovi koji se koriste za malariju, antivirusni lijekovi koji se koriste za AIDS, neki ljekovi iz grupe antibiotika i interferona. Međutim, ni do ovog trenutka ne postoje ljekovi koji su odobreni od strane američke Agencije za hranu i lekove (FDA) namjenjeni liječenju pacijenata sa COVID-19.

Osim širenja dezinformacija o raznim ljekovima, na ovom sredstvu za komunikaciju, iskoristila se prilika za obmjanjivanje širenjem netačne informacije da će se klik na Youtube link, pretvoriti u donaciju za bolnicu u italijanskom Bergamu.

Od početka pojave koronavirusa, mediji su postali pogodan teren za plasiranje brojnih teza o tome ko je odgovoran za širenje virusa. Jedna od rasprostranjenih teorija je da je američka vojska možda bila ta koja je donijela epidemiju u Vuhan, tokom vojnih igara u oktobru 2019, na kojim je učestvovala delegacija od 300 američkih vojnika. Osim ovoga, mediji koji propagiraju antizapadne narative iskoristili su jednu vojnu vježbu, ovog puta Sjedinjenih Američkih Država i NATO-a, i  okarakterisali je kao invaziju na evropski kontinent i provokaciju i napad na Rusiju.

Teorije zavjere čitali smo i na društvenoj mreži Facebook koja je grešku CBS News-a pripisalo tome da ‘’Žrtava lažne epidemije nema! Sve je daleko bolje osmišljeno nego svinjski i ptičji grip.’’

Mediji ne prestaju da manipulišu čitaocima. I dok apelujemo na čitaoce da provjeravaju informacije koje im se predstavljaju, pred vama je sedmi broj magazina za one koji vjeruju svemu što mediji objave.

Autor:
Tijana Velimirović
Objavljeno:
07.04.2020
Raskrinkali smo:
Mjesečni pregled
Osvježeno:
prije 4 mjeseca

Posljednje objavljene analize

Jun u medijima

I jun mjesec obilježile su uglavnom nove dezinformacije i teorije zavjere o pandemiji...

16.07.2020 prije 3 nedjelje

Maj u medijima

Infodemija je pratila pandemiju koronavirusa i u maju mjesecu.

09.06.2020 prije 2 mjeseca

April u medijima

I april mjesec pratila je infodemija. Kako u svijetu tako i u našem regionu....

16.05.2020 prije 2 mjeseca